Fiis ciŋ woosuuɗ ci ngaŋ Saafi-Saafi
- Ndii, fu hey mine hot fiis ciŋ woosuuɗ ci, findi Tawreetiŋ Musaa, Sabuuriŋ Dawuuda na Injil ci, cooteeɗa coot. Fiis ceem, ca ɗi woysang "Biibal". Laayiɗ nga ca toksuuɗi paaɗ, ca hayan ƴin-ƴin. Araf ci ɗu hot ŋ ɗafki, ca araf Ibar (Tuɓaaɓ woyang "Hébreu"). Weɗ cembohaaniŋ kiyaaki koc ngaŋ Tawreet, wi Musaa fiis ngaŋ peɗmeem.
1. Tawreet
Tawreetiŋ Musaa raak kiya yatuus, ca fiis ci uup maañ ngaŋ fiis ci hooliɗ ci. Wi koc teeku " Camba ", wa na woye ŋ sofaan ci uup maañ ŋ Adina te wa reehoh ngaŋ faseehiŋ cuuɓiŋ Israayel. Kiyaaci nikiis ci tas ŋ Tawreeti na woye ŋ kipes kiŋ Musaa na findi Kooh naafoh cuuɓiŋ Israayel ngaŋ Firawnaana, na wilaŋ ɓi Israayel ŋ kehƴa hulanga. Ɗiski wa nik, ɓoo ɓii panguk na Camba, te ɓaki na woye ŋ kipes kiŋ Ibrahiima puliɗ.
2. Sabuur
Kiyaaki na woyse Sabuur, wa kiya ƴeek. Wa raak ƴeek teemeer na ndaŋkiyaah yatuus (150).
Laayiɗ nga ca, a buur Dawuuda fiis ca. Ɓoo cambiɗ toksiŋ ca ; wi koc ƴutiɗ, wa ɗi
Sabuur 1, "Neɓiɗi keeh-keehi".
Laayiɗ nga ca, a buur Dawuuda fiis ca. Ɓoo cambiɗ toksiŋ ca ; wi koc ƴutiɗ, wa ɗi
Sabuur 1, "Neɓiɗi keeh-keehi".